Períodu filozofia fahe ba 4 (hat):
1. Filozofia Antikuadu/Da’uluk
2. Filozofia Medieval
3. Filozofia Moderna
4. Filozofia Kontemporánea
Filozofia Gregu
Filozofia gregu Nudar filozofia da'uluk nian, fahe ba períodu 3 (tolu):
Períodu Pré-sokrátiku (sékulu VII a.K): koresponde ho períodu filózofu primeiru hotu hosi gregu nebé moris antes Sókrates. Sira nia tema filozofia konsentradu hotu iha área natureza nian. Hosi sira ne’e hotu filózofu Tales hosi Mileto mak famozu liu.
Períodu Sokrátiku (sékulu V to IV a.K): nebé mos hanaran períodu klásiku. Momentu ne’e hahú mosu demokrasia iha Grésia Da’uluk (Antiga). Filózofu boot hosi Gregu nebé reprezenta sira hotu mak Sókrates nebé hahú hanoin konaba ema nia iha (ser humano). Alein nia, merese atu temi mos filózofu boot rua ne’e: Aristóteles no Plataun.
Períodu Elenístiku (sékulu IV a.K. ba to VI d. K.): Alein koalia konaba tema hotu nebé relasiondu ho natureza no ema, iha faze ne’e estudu hotu foka liu ba, oin-sa ema buka virtudi (buat matenek nian) no felisidadi (buat haksolok nian).
Eskola Prinsipál hotu Filozófika nian hosi Filozofia Da’uluk (Antiga):
Ita haré tiha ona perídou filozofia nian hotu nebé fahe hanesan iha leten, agora ita haré fali eskola prinsipál hotu nebé hamosu pensamentu filozofia da’uluk nian:
Eskola Jónika: Filózofu primeiru sira sorumutu iha sidadi Mileto (Gregu), nebé lokalizadu iha rejiaun Jónia, iha litorál (tasi-ninin) Ázia kik (agora hanaran Túrkia). Alein Mileto, iha mos sidadi hanesan Éfezu ho nia Eskola hanesan Eráklitu no iha sidadi Samos reprezenta hosi eskola Pitágoras nian.
Eskola Itálika:Harí no dezenvolve iha rejiaun Italia parte tasi-mane agora (iha sidadi Elei) no Sisília (iha sidadi sira hanesan Aeragas no Lentini). Sira nebé ba hanorin iha nebá mak filózofu hanesan: Parménides, Zenaun, Empédokles no Górgias (tetun: Jórjias).
Fontes teistu no foto hosi:
Pedro Menezes. Professor de Filosofia, Mestre em Ciências da Educação. Filosofia Antiga.
Tradutor: GCB/Timor Now Hatene
turi nafatin tradusaun iha edisaun tuir mai
Comments
Post a Comment