SE MAK ARISTÓTELE? (2)

Aristóteles nudar figura nebe naran boot iha filozofia Grésia antigu, fo kontribuisaun ba lójika, metafísika, matemátika, fízika, biolojia, botánika, étika, polítika, agrikultura, medisina, dansa, no teatru. Nia nudr Pláto nia alunu nebe mos hetan formasaun hosi Sókrates. Nia pensamentu empériku liu fali Pláto ka Sókrates no famozu tanba rejeita formulasaun teoria Pláto nian.

Nudar hakerek nain no polímata (polymath) nebe produtivu, Aristótele radikalmente modifika, laos hotu-hotu, kampu koñesimentu tomak nebe nia kaer. Tanba né Tómas Aquino hanaran nia nudar "The Philosopher." Durante nia moris, Aristótele hakerek tratadu hamutuk 200 resin, maibe iha 31 mak aguenta. Obra sientífiku hotu nebe nia produs sei uza to ohin loron.





Nudar aman siensia lójika, nia mak ema primeiru nebe dezenvolve sistema formal rasiosíniu nian. Aristótele observa katak validez argumentu sa deit laos nia konteudu mak defini maibe ninia estrutura. Izemplu klásiku hosi argumentu nebe válidu mak ninia silojizmu né: umanu tomak nudár buat mortál; Sókrates nudar mane ida, tanba né Sókrates mos nudar buat mortal ida (kontráriu imortal). Haré ba estrutura argumentu né, wainhira nia premisa sira los, mak garantia katak ninia konkluzaun sira mos los. Marka lójika argumentu Aristótele nian  né domina kampu pensamentu né to mosu mai lójika proporsional modernu nian no lójika predikadu depois tinan 2000.

Énfaze Aristótele nian ba rasiosíniu nebe tantu kombinadu ho nia fiar ba métodu sientífiku nebe forma ninia obra hotu nia fundu. Izemplu hanesan iha nia obra étika no polítika, Aristótele identifika hakarak diak nebe as liu ho virtudi intelektual: hanesan ema nebe iha moral mak ema nebe haburas ninia virtudi nebe bazeadu iha rasiosíniu. No iha nia obra kona ba psikolojia no klamar, Aristótele haketak persepsaun sensoriál hosi sentidu nebe halibur no intérpreta persepsaun sensoriál no buat né nudar siensia hotu nia inan.





Aristótele famozu tanba rejeita formulasaun Pláto nia teoria, nebe dehan katak hahalok natureza sira hanesan beleza nudar entidadi universal abstratu nebe hases ka haketak an hosi objetu né rasik. Kontráriu, nia argumenta katak forma mak intrínseku ba objetu no la iha seluk karik la os mak sira deit, tanba né mak tenki estuda buat hotu nebe iha relasaun ho sira. Maibe, wainhira koalia kona ba arte, Aristótele rejeita atu koalia, no nia hanoin oin seluk katak atu forma ideal universal ida nebe hakas an atu artista sira bele kumpriende buat sira nebe relasiona ho sira nia obra rasik.

Aristótele nuudár fundador Lyceum (Akadémia ka koléjiu), eskola hodi halao prosesu aprendisajen ida  iha Aténa, Grésia; no nia nudar inspirador ba peripatétika sira, ema sira ne'ebe moris tuir nia iha Lyceum....kontínua. Gcb